Det russiske kammerkoret Musica Practica vart starta i 2009 og består av 16 profesjonelle songarar som til dagleg syng i dei ulike kora i byen. På programmet står russisk-ortodoks kyrkjemusikk som femner både gravferdsmusikk, moderne klangar og lyriske stykke. Fleire av stykka vert framførte for fyrste gong på denne noregsturneen. Vladimir Suzdalevich er dirigent og kunstnerisk leiar. Han jobbar til dagleg som kantor i Hol kommune og har utdanning frå konservatoriet i St.Petersburg i tillegg til hovufag i korleiing frå Noreg. Det vert selt billettar ved inngangen. Velkommen til ein korkonsert litt utanom det vanlege!